Indonezııada ózine kúıeý izdegen 20 áıeldi óltirgen er adam ustaldy
ASTANA. QazAqparat - Úndistanda bastaýysh synyptardyń burynǵy muǵalimi óz elinde 20 áıeldi óltirgeni úshin ólim jazasyna kesilýi múmkin. Er adam Indonezııanyń Balı aralynda ustaldy. Mohan Kýmar áıelderge áseri kúshti tsıanıd ýyn berip óltirgeni úshin aıyptalyp otyr. Bul qylmystardy ol alty jyl boıy - 2003-2009 jyldar aralyǵynda jasaǵan, dep jazady sheteldik BAQ.
2013 jyldyń jeltoqsanynda Mangalor qalasynyń soty ony adam óltirýde kináli dep tanyp, ólim jazasyna kesti. 56 jastaǵy Kýmarǵa Úndistan BAQ-tary «Mohan tsıanıdi» ataýyn bergen. Bul er adamnyń ómirlik serik izdegen áıelderdi óltirgeni belgili.
Kýmar qamaýdan qashyp, kóptegen jyldar boıy Avstralııada jasyrynǵanyn moıyndady. Balıge 15 kúndik demalysyn ótkizýge kelgende ustalǵan. Taıaý kúnderi er adam Úndistanǵa jiberilmek. Barlyq tıisti qujattardy daıarlaýǵa bir aıdan astam ýaqyt ketetini de joqqa shyǵarylmaıdy.
