Indonezııada myńjyldyq janartaý qaıta oıandy
Malaııa arhıpelagyna enetin araldyń eń bıik núktesi aǵymdaǵy jyldyń tamyz aıynda oıanǵan bolatyn. Sonyń saldarynan 120 myń adam burynǵy joıqyn apattardyń qaıtalanýynan úreılenip baspanasyn tastap ketken.
2017 jyldyń qazan aıyna qaraı janartaýdyń belsendiligi báseńdeı túskendikten, bılik te qaýip deńgeıin tómendetken. Alaıda 21 qarashadan beri janartaýdan qoıý tútin qaıta shyǵyp jatyr, odan shyqqan kúl jaqyn mańdaǵy bes eldi mekendi basyp qaldy. Ǵalymdar Agýng janartaýynyń atqylaý-atqylamaýy týraly kesip eshteńe aıta almaı otyr, degenmen el bıligi turǵyndardy 6 shaqyrymdyq radıýstan alys júrýge shaqyrýda.
Volcanology and Geological Hazard Mitigation zertteý ortalyǵynyń ǵalymdary janartaý belsendiligi 3-shi deńgeıge jetti dep otyr (eń joǵary belsendilik deńgeıi - 4-ke teń). 
Bıliktiń janartaýdan qaýiptenýine negiz bar. Myńjyldyq tarıhynda 3142 metrlik janartaý tórt ret atqylap, sonyń barlyǵy asa aýyr saldarǵa ákep soqtyrǵan. 1963-1964 jyldary sońǵy ret oıanǵanda 1100 adamnyń ómirin qıyp, ondaǵan myń adam baspanasynan aıyrǵan edi.
