Indonezııada munaı tankerinde bolǵan órtten 10 adam qaza tapty

ASTANA. KAZINFORM – Indonezııanyń Rıaý provıntsııasyna qarasty Batam aralyndaǵy keme jóndeý kásiporynda bolǵan órt saldarynan kem degende 10 adam kóz jumyp, taǵy 21 adam jaraqat aldy, dep habarlaıdy qytaılyq Sınhýa agenttigi.

Qaıǵyly oqıǵa sársenbi kúni jergilikti ýaqyt boıynsha tańǵy saǵat 04:00 shamasynda bolǵan. Aldyn ala málimetke súıensek, órt «Federal II» atty munaı tankerinde jóndeý jumystary júrip jatqan kezde shyqqan. Qaza tapqandardyń bári – keme ústinde jumys istep jatqan tehnıkalyq qyzmetkerler eken.

Bul týraly aýdandyq polıtsııa bastyǵy Raden Bımo Dvı Lambang habar taratty. Onyń aıtýynsha, dál osy tankerde osydan birneshe aı buryn ǵana, ıaǵnı maýsym aıynda osyǵan uqsas órtený oqıǵasy bolyp, tórt jumysshy janyp ketken.

Qazirgi ýaqytta tergeý amaldary bastalyp, órttiń shyǵý sebebi anyqtalyp jatyr. Jergilikti bılik qaza tapqandardyń otbasylaryna qajetti kómek kórsetiletinin habarlady.

Eske sala keteıik, Slovakııada eki poıyz soqtyǵysyp, 100-ge jýyq adam zardap shekkenin jazǵanbyz.

Al 20 kún júzip ótkennen keıin Qytaıdy Eýropamen baılanystyratyn Arktıkanyń konteınerlik baǵytymen júzip ótken alǵashqy keme Ulybrıtanııanyń shyǵysyndaǵy Fılıkstoý portyna jetti.