Indonezııada Merapı janartaýy atqylaı bastady
ASTANA. QazAqparat - Merapı janartaýynyń atqylaýy senbi kúni ıAva aralynda bastaldy.
Agence France-Presse-tiń habarlaýynsha, janartaý kraterinen býdaqtatyp tútin shyǵyp, otty lava betkeılerden tómen qaraı aǵyp jatyr. Bul týraly QazAqparat TASS aqparat agenttigine silteme jasap habarlaıdy.
Merapıdi baqylaıtyn ǵylymı stantsııanyń málimetinshe, janartaý ózeginen shyǵyp jatqan tútin 1300 metr bıiktikke kóterilgen. Qaýiptilik bes deńgeıdiń ekinshisine deıin kóterildi. Kórshi eldimeken turǵyndaryna saqtyq tanytyp, quzyrly organdardyń habarlandyrýlaryna qulaq asýǵa keńes berildi.
Indonezııa aýmaǵynda shamamen 130 janartaý bar. Bıiktigi 2910 m Merapı eń belsendilerdiń biri bolyp sanalady. Eń kóp adam ólimine ákelgen janartaý atqylaýy 1930 jyly tirkelgen, ol kezde 1300 adam qaza tapty, al 2010 jyly atqylaǵanda zardap shekkender sany 300 adamǵa jetti. Bul joly zardap shekkendeo týraly habarlanǵan joq.
