Indonezııada mektep qulap, 59 adam áli úıindi astynda qalyp otyr

ASTANA. KAZINFORM — Qutqarýshylar qulaǵan Indonezııada opyrylyp qulaǵan mektep úıindleri astynda «tirshilik belgileriniń joqtyǵyn» habarlady, 59 adam iz-túzsiz joǵalyp ketti, dep habarlaıdy BBC. 

Beısenbide Indonezııanyń Tabıǵı apattar saldaryn joıý agenttigi (BNBP) ushqyshsyz basqarylatyn apparattardy qoldanǵan qutqarýshylar úıindiler arasynan tirshilik belgilerin baıqaı almaǵanyn habarlady.

— Biz keshe túnde tynyshtyqty qamtamasyz etý úshin aýmaqty tazaladyq. Kúrdeli jabdyqtyń kómegimen tirshiliktiń qandaı da bir belgilerin anyqtaı alamyz dep úmittengen edik, — dedi BNBP bas dırektory general-leıtenant Sýharıanto.

Ol komanda jumystyń «kelesi kezeńi» — beton plıtalaryn jyljytý úshin aýyr tehnıkany paıdalanýǵa sheshim qabyldaǵanyn qosyp ótti. Bul synyqtardy kranmen kóteredi nemese kishkene bólikterge kesiledi.

Qutqarýshylar muny erterek isteı almady, sebebi ǵımarattyń odan ári opyrylyp, yqtımal aman qalǵandardyń ómirine qaýip tónýi múmkin degen qaýiptený bolǵan. 
29 qyrkúıekte Sıdoardjo qalasyndaǵy eki qabatty mektep-ınternat qulaǵan kezde onyń ishinde júzdegen oqýshy bolǵan, olardyń kópshiligi — jasóspirimder.

Sońǵy málimetke sáıkes, keminde bes oqýshy qaza taýyp, 100-ge jýyǵy jaraqat aldy. 

Qutqarý jumystary ǵımarat konstrýktsııasynyń turaqsyzdyǵyna baılanysty qıyndap otyr. 

Ǵımarat oǵan eki qosymsha qabat qosylyp jatqan qurylys jumystary kezinde qulady. BNBP ókilderi keıin ǵımarattyń turaqsyz irgetasy salmaqty kótere almaıtynyn málimdedi.

Alaıda Sıdoardjo qalasynyń bıligi mektep basshylyǵy ǵımaratqa qosymsha qabattar salýǵa ruqsat almaǵanyn málimdedi.

Shilde aıynda Bangladeshte áskerı ushaq kolledjdiń ashanasyna qulap, elde aza tutý jarııalandy.