Indonezııada magnıtýdasy 5,6 bolatyn jer silkinisi tirkeldi
ASTANA. KAZINFORM – Indonezııanyń Sýmatra aralynda magnıtýdasy 5,6 bolatyn jer silkinisi tirkeldi, dep habarlaıdy Eýropa-Jerorta teńizi seısmologııalyq ortalyǵy.
Eýropa-Jerorta teńizi seısmologııalyq ortalyǵynyń málimetinshe, zilzalanyń epıtsentri Soltústik Sýmatra provıntsııasyndaǵy Padangsıdempýan qalasynan ońtústik-batysqa qaraı 221 shaqyrym jerde ornalasqan.
Bul qalada shamamen 100 myń adam turady. Jer silkinisiniń oshaǵy 37 shaqyrym tereńdikte bolǵan.
Zardap shekkender men qıraýlar týraly aqparat túsken joq. Tsýnamı qaýpi jarııalanǵan joq.
Eske sala ketsek, 2 sáýirde Indonezııada bolǵan zilzalanyń magnıtýdasy 7,4-ke jetti.
Sondaı-aq 13 sáýirde Kaspıı teńizinde magnıtýdasy 4,6 baldyq jer silkinisi boldy.
