Indonezııada laı kóshkini men sý tasqyny saldarynan 7 adam mert boldy

ASTANA. KAZINFORM — Indonezııanyń Batys ıAva provıntsııasynyń Batys Bandýng aımaǵynda senbi kúni sý tasqyny saldarynan 7 adam kóz jumdy, júzdegen adam iz-túzsiz joǵalyp ketti, dep habarlaıdy Sınhýa.

Tótenshe oqıǵa jergilikti ýaqyt boıynsha tańǵy saǵat 03:00 shamasynda bolǵan. Turǵyndar qatty gúrildi estigenin, artynan Pasırkýnıng aýylynan Pasır-Kýda aýylyna qaraı laı kóshkini aǵyp jatqanyn baıqap, habar bergen. Ondaǵan baspana qırandylardyń astynda qaldy.

Polıtsııanyń aldyn ala málimetinshe, senbi kúni jergilikti ýaqyt boıynsha saǵat 12:00–de 7 máıit tabyldy. Birneshe júzdegen adam áli úıindiler astynan shyǵarylmady. Іz-túzsiz joǵalǵandar sany artyp otyr. Qazirgi tańda qutqarýshylar izdeý, qutqarý jumystaryn jalǵastyryp jatyr. Alaıda olardyń jumysyna qıyn jer bederi, kóshkinniń úlken qalyńdyǵy jáne jaýyn-shashynnyń tolassyz jaýýy kedergi keltirip otyr.

Jergilikti bılik zardap shekken aımaqqa jaqyn turatyn turǵyndardy apattyń odan ári qaıtalaný qaýpine baılanysty saqtyq tanytyp, kóshkin qaýpi bar aımaqtardan aýlaq bolýǵa shaqyrdy.

Indonezııada osyǵan deıin sý tasqynynan 16 adam qaza taýyp, 140-tan astam úıdi sý shaıyp ketti.