Indonezııada qýatty jer silkinisinen 12 adam mert boldy
ASTANA. QazAqparat - Jeksenbi kúni Indonezııanyń Lombok aralynda bolǵan qatty jer silkinisinen kem degende 12 adam mert boldy, dep habarlaıdy TASS.
Reuters agenttiginiń jazýynsha, zardap shegýshiler sany 40-qa jetken. Onyń deregi boıynsha, araldyń soltústiginde jaryq joq. Bılik araldaǵy ásem oryndardyń biri sanalatyn Rındjanı janartaýyna týrısterdiń barýyn shuǵyl toqtatty.
Budan buryn Mataram (319 myń turǵyn) qalasynyń tóńireginde kúshi 6,4 ball jer silkinisi bolǵan edi. Zilzalanyń oshaǵy 7,5 shaqyrym tereńdikte ornalasqan. Kyodo agenttiginiń aqparatyna sáıkes, zardap shekken aýdanda magnıtýdasy 5,7-ge deıin 11 jerasty dúmpýi tirkelgen.
