Indonezııada kóshkin kezinde qıraǵan úıindiler astynan 70 adamnyń máıiti tabyldy
ASTANA. KAZINFORM — Indonezııanyń Batys ıAva provıntsııasynda bolǵan kóshkin saldarynan qaza tapqandardy izdeý jumystary segizinshi kúnge ulasty. Qutqarýshylar 70 adamnyń máıitin tapty, dep habarlaıdy Xinhua.
Indonezııalyq Detik.com basylymynyń málimetinshe, Bandýng qalasynyń izdestirý-qutqarý basqarmasynyń basshysy Ade Dıan Permana ashyq aýa raıy qutqarý operatsııasyna qolaıly jaǵdaı jasaǵanyn aıtqan. Onyń sózinshe, máıitter birneshe jerden tabylǵan.
Kóshkinder ótken senbi kúni tańerteń Batys Bandýng okrýgine qarasty Chısarýa aýdanynda bolǵan. Qazirgi tańda 10 adam áli de habar-osharsyz ketkender qatarynda.
Jergilikti ýaqyt boıynsha senbi kúni saǵat 14:30-daǵy jaǵdaıǵa sáıkes, bılik 52 qaza tapqan adamnyń jeke basyn anyqtaǵan, qalǵan máıitter saraptamadan ótip jatyr. Іzdestirý jumystary jalǵasýda, al qutqarý toptary qaýipsizdik talaptaryn saqtaı otyryp, jaǵdaıǵa baılanysty taktıkalaryn ózgertip otyrǵanyn atap ótti Permana.
Indonezııada ádette qazan aıynan naýryz aıyna deıin sozylatyn jańbyrly maýsym kezinde sý tasqyny men kóshkinder jıi bolyp turady.
Buǵan deıin Indonezııanyń ıAva provıntsııasynda kóshkinnen qaza tapqandar sany 25 adamǵa jetkenin habarladyq.