Indonezııada kishkentaı Obamaǵa eskertkish ornatyldy
ASTANA. Jeltoqsannyń 11-i. QazAqparat - On jasar Barak Obamanyń eskertkishi Djakartanyń ortalyǵynda ornatyldy,
dep habarlaıdy QazAqparat Associated Press saıtyna silteme jasap.
Monýment tabıǵı mólsherinde oryndalǵan jáne amerıkandyq prezıdentti sholaq shalbar men fýtbolka kıgen bala kúıinde beıneleıdi. Kishkentaı Obama sol qolyn joǵary kóterip, bas barmaǵyna qondyryp ákelgen kóbelekke kóńildene qarap jymıyp tur. Monýment AQSh-tyń burynǵy birinshi hanymy Eleonora Rýzvelttiń: «Bolashaq - óz qııalynyń kúshine senetin adamǵa baǵynady», - dep aıtqan sóziniń sıpatyn bildiredi.
Ortalyq Djakartanyń meri Sılvıana Mýrnıdiń (Sylviana Murni) aıtýynsha, eskertkish ındonezııalyq balaqaılardy ózderiniń maqsattaryna umtylýdaǵy olardyń qulshynystaryn oıatýy tıis.
Eskertkish Barak Obamanyń bala kezinde ómir súrgen jáne oqyǵan jaqyn mańdaǵy Taman Menteng saıabaǵynda ornatylǵan. 1967 jyldan 1971 jylǵa deıingi aralyqta Obamanyń otbasy - onyń anasy, ógeı ákesi jáne ógeı ákesi jaǵynan qaryndasy - Indonezııada turǵan.
Monýmentti jasaý ıdeıasy - shtab-páteri Indonezııada ornalasqan «Obamanyń dostary qory» qoǵamdyq uıymyna tıesili. Qoladan quıylǵan eskertkishti turǵyzýǵa 10 myń dollardan astam qarajat jumsalǵan.
