Indonezııada kedeı áıel altyn toly sandyq taýyp aldy
ASTANA. 19 qarasha. QazAqparat - Batpaqty jerden ýstrıtsalar jınap júrgen kedeı aýyldyń turǵyny altyn toly sandyqty taýyp aldy.
Túske de kirmeıtin mol qazyna 2004 jylǵy tsýnamıdiń saldarynan jaǵalaýǵa shyǵyp qalǵan bolýy yqtımal.
Alapat tolqyndar 13 ǵasyrdaǵy bıleýshilerdiń qazynalarymen birge kómilgen kóne beıitterin shaıyp ketken. Tabylǵan monetalar 1200 jáne 1600 jyldarǵa jatady.
Áıel batbaqqa kómilip jatqan sandyqtyń qaqpaǵyn ashqan sátte óz kózine ózi senbegen. Ol erneýine deıin ár túrli kólemdegi altyn monetalarmen toltyrylǵan eken. Artynsha óziniń tapqan qazynasy týraly bılik oryndaryna habarlap, olar monetalardy alyp ketken. Alaıda, polıtsııa ókilderi aýylǵa kelip jetkenge deıin qazynanyń birtalaı bóligin jergilikti turǵyndar jymqyryp úlgergen kórinedi.
Aıta keter jaıt, Gampong Pande aýyly alǵashqy Acheh ıslam patshalyǵynyń ortalyǵy - Meýkýta Alam dınastııasy basqarǵan aımaqta ornalasqan.
