Indonezııada Qazaqstanǵa jáne Dımashqa arnalǵan kórme ótedi
NUR-SULTAN. QazAqparat - Indonezııada Qazaqstanǵa jáne Dımashqa arnalǵan kórme ótedi, dep habarlaıdy QazAqparat dimashnews.com saıtyna silteme jasap.
Kórme 29 maýsym - 8 shilde aralyǵynda Djakarta qalasynda ornalasqan Indonezııa Respýblıkasynyń Ulttyq kitaphanasynda «Dımash: Qazaqstannyń altyn daýysy» taqyrybymen ótedi.
Іs-sharany Dımash Qudaıbergenniń ındonezııalyq fan-klýby Qazaqstan Respýblıkasynyń Indonezııadaǵy elshiligimen jáne Indonezııa Respýblıkasynyń Qazaqstandaǵy elshiligimen birlesip uıymdastyryp jatyr.
Kórmede Qazaqstannyń keremet sulý tabıǵatynyń fotosýretteri, sondaı-aq jergilikti ındonezııalyq sýretshiler jasaǵan túrli óner týyndylary usynylady. Sonymen qatar kórmeniń birinshi kúni kitaphananyń bas zalynda Dımashtyń kontsertteriniń biri ekran arqyly kórsetiledi.
Shara eki el arasyndaǵy dostyqty nyǵaıtýǵa septigin tıgizbek.
