Indonezııada qazaqstandyqtardyń qaýymdastyǵy quryldy
Qazaqstan men Indonezııa arasyndaǵy dıplomatııalyq qatynastardyń 30-jyldyǵy aıasynda búgin Indonezııadaǵy qazaqstandyqtardyń qaýymdastyǵy quryldy, dep habarlaıdy Kazinform.
Denpasar qalasynda (Balı araly) ótken kezdesý barysynda Elshi Serjan Ábdikárimov otandastarymyzdy osy aıtýly oqıǵamen quttyqtap, Qazaqstan-Indonezııa yntymaqtastyǵynyń aǵymdaǵy jaǵdaıy men keleshegi týraly habardar etti.
«Qaýymdastyq músheleri Indonezııadaǵy ómir súrý jáne jumys jaǵdaılary jaıynda aıtyp, olardy qyzyqtyratyn konsýldyq-quqyqtyq máseleler boıynsha keńester aldy.
Іs-sharaǵa qatysýshylar Elshiliktiń qaýymdastyqty qurý týraly bastamasyn biraýyzdan qoldaı kele, onyń tóraǵasyn saılap, aldaǵy josparlaryn belgiledi», — dep jazdy SІM-nen.
Aıta keteıik, Indonezııadaǵy qazaqstandyqtardyń qaýymdastyǵy — qazaq tilin, mádenıetin, salt-dástúrin, ádet-ǵurpyn qoldaý, ózara kómek kórsetý, ózindik ereksheligin saqtaý maqsatynda qurylǵan Qazaqstan Respýblıkasy azamattarynyń erikti negizdegi qoǵamdyq uıymy.
