Indonezııada karer opyrylyp, 14 adam qaza tapty
ASTANA. KAZINFORM – Indonezııanyń Batys ıAva provıntsııasyndaǵy áktasty karerde bolǵan kóshkin saldarynan 14 adam qaza tapty, dep habarlaıdy Anadoly.
Indonezııanyń Ulttyq izdestirý-qutqarý agenttiginiń málimdeýinshe, qaıǵyly oqıǵa 30 mamyr kúni Chırebon aýdanynda bolǵan. Qutqarýshylar úıindi astynan 14 adamnyń denesin tapty. Taǵy 12 adam jaraqat alǵan.
Bılik ókilderiniń aıtýynsha, úıindiniń astynda áli de 6-8 adam qalýy múmkin. Іzdestirý-qutqarý jumystaryn polıtsııa, áskerı qyzmetkerler, eriktiler tartyldy. Oqıǵa ornynda bes ekskavator jumys istep jatyr.
Batys ıAva gýbernatory Dedı Mýlıadı áleýmettik jelilerde aqpan aıynda áli saılanbaı turyp karerge barǵanyn jáne onyń qaýipsizdik talaptaryna saı kelmeıtinin sol kezde-aq baıqaǵanyn aıtty. Qaıǵyly oqıǵadan keıin gýbernator bul karerdiń jáne provıntsııadaǵy taǵy tórt osyndaı kásiporynnyń jumysy toqtatylǵanyn habarlady.
Indonezııada zańsyz shahtalar men karerler keń taralǵan. 2024 jyly Sýmatra aralynda zańsyz altyn óndirý shahtasynda kóshkin bolyp, keminde 15 adam qaza tapqan edi.
Aıta ketelik Indonezııada kúshti jer silkinisi bolǵan edi.