Indonezııada karantın kúsheıtilip, Frantsııa koronavırýstyń tórtinshi tolqynyna daıyndalýda
NUR-SULTAN. QazAqparat – Indonezııa bıligi 5 shildeden bastap, elge kelýshilerdiń barlyǵyn 8 kún karantınge oqshaýlaıdy. Bul týraly QazAqparat COVID-19 taralýyna jol bermeý jónindegi VAK telegram kanalyna silteme jasap habarlaıdy.
Resmı Djakarta karantındi kúsheıtýde. Indonezııa bıligi 5 shildeden bastap, elge kelýshilerdiń barlyǵyn 8 kún karantınge oqshaýlaıdy. Tipti vaktsınatsııa pasporty bar tulǵalar da talap boıynsha ózin-ózi oqshaýlaýǵa tıis . Vaktsınatsııa pasportyn laýazymy sheteldik mınıstrlerden tómen emes adamdarǵa ǵana usyna alady.
Sonymen qatar, Frantsııa bıligi elde koronavırýs ınfektsııanyń tórtinshi tolqyny jaqyndaǵanyn málimdedi. Densaýlyq saqtaý mınıstri Olıve Veran Eýropaǵa COVID-19 delta-nusqasynyń kelýi jáne eldegi jańa ınfektsııa juqtyrý jaǵdaılaryna baılanysty aýrý kórsetkishi sońǵy bes kún boıy azaımaı otyrǵanyn habarlady. Densaýlyq saqtaý mınıstri eldegi vaktsınatsııa qarqynyn shuǵyl arttyrý qajet ekenin atap ótti.
