Indonezııada fýtbol matchynan keıingi qaqtyǵystan qaza tapqandar sany 170-ten asty
ASTANA. QazAqparat – Indonezııada fýtbol matchynda bolǵan qaqtyǵys saldarynan kem degende 174 adam qaza tapty. Taǵy 11 adam aýyr jaraqat aldy. Stadıonda zardap shekkenderdiń qalǵan bóligi aýrýhanada jatyr, dep habarlaıdy QazAqparat VVS agenttigine silteme jasap.
Qurban bolǵandar sany artýy múmkin. Qaza tapqandar týraly málimetterdi jınaıtyn Shyǵys ıAva tabıǵı apattar saldaryn joıý agenttigi sońǵy eki saǵatta qurban bolǵandar sanynyń artqanyn habarlap, saǵat saıyn kórsetkishti jańartyp otyr.
Buǵan deıin habarlanǵandaı, Indonezııa stadıonyndaǵy tártipsizdik kezinde 127 adam mert boldy.
Qaıǵyly jaǵdaı Malang qalasyndaǵy stadıonda jergilikti «Arema» klýby men Shyǵys ıAva provıntsııasynyń ákimshilik ortalyǵy Sýrabaıdaǵy «Persebaıa» komandasy arasyndaǵy oıyn kezinde boldy.
Match 3-2 esebimen qonaqtardyń jeńisimen aıaqtaldy. Sońǵy ysqyryqtan keıin «Aremanyń» myńdaǵan jankúıeri alańǵa júgirip shyqqan, sodan qaqtyǵystar bastalǵan.
Polıtsııa kózden jas aǵyzatyn gaz qoldanǵan. Dárigerlerdiń aıtýynsha, ólim jaǵdaılarynyń kóbine tunshyǵý sebep bolǵan.
Stadıonnyń syrtynda da tártipsizdik jalǵasyp, birneshe polıtsııa kóligin órtep jibergen. Eki polıtsııa qyzmetkeri de qaza tapty.
Bılik tergeýdi bastady. Indonezııa fýtbol federatsııasy «Aremaǵa» maýsymnyń sońyna deıin match ótkizýge tyıym saldy jáne aldaǵy barlyq oıyndy bir aptaǵa keıinge shegerdi.
