Indonezııada esirtkini zańsyz tasymaldaǵan brıtan áıeli ólim jazasyna kesildi

dep habar taratty BBC News. Ótken jyldyń mamyr aıynda Balıdegi kedendik tekserý kezinde polıtsııa Lındseı Sendıfordtyń jol sómkesinen 4,8 keli kokaın tapqan bolatyn.

Lındseı Sendıfordtyń aıtýynsha, esirtkini tasymaldaýǵa bireýler májbúrlegen. Prokýratýra ony 15 jylǵa abaqtyǵa jabýdy suraǵanymen sot jazany jeńildetetin sebeptiń joqtyǵyn alǵa tartty.

Muslim.kz jazýynsha, onyń ústine, áıel de qolymen jasaǵanyn moınymen kóterýge beldi bekem býyp otyr. Sottyń aıtýynsha, qylmysker týrsıtik ortalyqqa aınalǵan Balıdiń ımıdjine nuqsan keltirip, esirtkige qarsy kúres baǵdarlamasyn qaperine almaǵan.

Brıtan áıeli Bangkoktan ushqan kezde qolǵa túsken. Esirtkini zańsyz tasymaldaýmen aınalysqan úsh brıtandyqtyń biri bolýy da múmkin. Olardyń ekeýi de qazirgi ýaqytta túrmede otyr. Pol Bılz - esirtkini zańsyz saqtaǵany úshin 4 jylǵa bas bostandyǵynan aıyrylsa, Reıchel Dýgall qylmysty jasyrǵany úshin bir jyl boıy azattyqtyń aýasymen erkin tynystaı almaıdy. Osy toptyń múshesi - Djýlıana Ponderanyń isi áli qaralyp jatyr.