Indonezııada eki qaıyq soqtyǵysyp, 15 adam iz-túzsiz joǵaldy
ASTANA. QazAqparat - Indonezııa jaǵalaýlaryna jaqyn mańda jyldam júretin motorly qaıyq vetnamdyq júk tasymaldaıtyn kemege soǵylyp, keminde 15 adam iz-túzsiz joǵaldy. Bul týraly sıngapýrlyq The Straits Times basylymynyń saıtyna silteme jasap korrespondent.net habarlady.
Jaısyz oqıǵa Týban atty shaǵyn qaladaǵy Shyǵys ıAva provıntsııasynda oryn aldy. Ózge kememen soqtyǵysqan soń motorly qaıyq aýdarylyp, sýǵa batyp ketken. Kemeler soǵysqan kezde qaıyqtyń bortynda 27 adam otyrǵan. Olardyń basym bóligi ındonezııalyq balyqshylar.
Al, Vetnamnan kele jatqan júk kemesiniń ekıpajynda 22 Vetnam azamaty bolǵan. Olardyń eshqaısysy da zardap shekken joq.
Qazirgi tańda joǵalǵandardy izdestirý jumystary júrip jatyr.
Kýágerlerdiń aıtýlarynsha, motorly qaıyqty basqaryp kele jatqan azamat vetnamdyq kemeni baıqamaı qalǵan.
