Indonezııada eki aral sý astynda qaldy
NUR-SULTAN. QazAqparat – Aýa raıynyń ózgerýine baılanysty teńiz deńgeıiniń kóterilýi saldarynan Indonezııanyń Ońtústik Sýmatra provıntsııasynyń quramyna enetin eki elsiz aral sý astyna ketti, dep habarlaıdy QazAqparat Jakarta Post gazetine silteme jasap.
Betet jáne Gýndýl shaǵyn araldary teńiz deńgeıinen 1 jáne 3 metrge tómendep, sý astynda qaldy. Atap óteıik, Betet araly Berbak-Sembılang ulttyq parkiniń bir bóligi bolatyn.
Eger «muhıt deńgeıiniń kóterilýimen kúres» sharalary júrgizilmese Indonezııanyń taǵy da tórt aralynyń joıylyp ketý qaýpi bar.
