Indonezııada Dýkono janartaýy atqylaǵannan keıin 20 týrıst joǵalyp ketti
ASTANA. KAZINFORM – Indonezııalyq qutqarýshylar Dýkono janartaýy atqylaǵan aımaqta qalǵan 20 týrısti izdeý operatsııasyn júrgizip jatyr. Bul týraly Reuters agenttigi habarlady.
Janartaý 8 mamyr kúni tańerteń Halmahera araly aýmaǵyndaǵy Soltústik Malýký provıntsııasynda atqylaǵan.
Eldiń výlkanologııa agenttiginiń málimetinshe, kúl baǵany 10 shaqyrym bıiktikke deıin kóterilgen. Bul sońǵy ýaqyttaǵy eń qýatty atqylaýlardyń biri bolǵan.
Іzdeý operatsııasyna ondaǵan qutqarýshy men polıtsııa qyzmetkeri jumyldyryldy. Qaýipti aımaqta qalǵan týrısterdiń toǵyzy – Sıngapýr azamattary, qalǵandary Indonezııa turǵyndary.
Janartaýdyń belsendiligi saqtalyp otyrǵandyqtan, bılik turǵyndar men týrısterge kraterge 4 shaqyrymnan jaqyn barmaýǵa keńes berdi.
Sonymen qatar mamandar janartaý mańynda qatty jańbyr jaýǵan jaǵdaıda laı kóshkini júrýi múmkin ekenin eskertti.
Dýkono janartaýy Tynyq muhıty jáne Aýstralııa lıtosferalyq plıtalary túıisken aımaqta ornalasqan.
Eske sala ketsek, sáýir aıynda Indonezııada qaıta oıanǵan Semerý janartaýy 4 ret atqylaǵanyn jazdyq.
