Indonezııada daýys sanaýdan zoryqqan saılaý komıssııasynyń 91 múshesi jan tapsyrdy
NUR-SULTAN. QazAqparat - Indonezııada ótken jalpyhalyqtyq saılaýdaǵy daýystardy sanaý kezinde tıtyqtap zoryqqan 91 adam qaıtys boldy. Bul týraly seısenbide Antara agenttigi Indonezııa Ortalyq saılaý komıssııasynyń tóraǵasy Arıf Býdımanǵa silteme jasap habarlady.
Arıf Býdımannyń aıtýynsha, taǵy 374 adamnyń qatty qaljyraǵandyqtan densaýlyǵy kúrt nasharlaǵan.
Qurban bolǵandardyń arasynda Malýký provıntsııasyndaǵy saılaý ýchaskesiniń basshysy Adodo Molý da bar. Ol óńirdegi saılaý qorytyndylaryna arnalǵan jalpy otyrys kezinde jan tapsyrdy.
17 sáýir kúni Indonezııadaǵy eń úlken saılaý ótkizildi. El azamattary prezıdentten tys eki palatanyń depýtattaryn, jergilikti zań shyǵarýshylardy saılaǵan.
Saılaýǵa jalpy 240 kandıdat qatysyp, olar 20 myń orynǵa talasqan bolatyn.
Daýys berýge 193 mln saılaýshynyń 80 paıyzy kelgen.
