Indonezııada bortynda 200 adam bar parom otqa orandy
NUR-SULTAN. QazAqparat –Indonezııa jaǵalaýynda bortynda 200-ge jýyq adam bolǵan parom órtendi, dep habarlaıdy QazAqparat Sınhýa agenttigine silteme jasap.
Tabıǵı apattardyń saldaryn joıý boıynsha jergilikti basqarma qyzmetkeriniń habarlaýynsha, borttaǵy adamdardyń barlyǵy qutqarylǵan, olardyń eshqaısysy zardap shekken joq. Alaıda oqıǵa kezinde kemedegider qatty úreılengen.
«Borttaǵy adamdardyń barlyǵy qutqaryldy jáne jaqyn jerdegi aralǵa jetkizildi», - degen Tabıǵı apattardyń saldaryn joıý boıynsha basqarmanyń TJ boıynsha bólim basshysy Ahmad Sangadjıdiń sózin keltirdi agenttik.
Oqıǵa ornyna qutqarýshylar men eriktiler keldi.
