Indonezııada bortynda 10 adam bolǵan ushaq izdestirilýde
ASTANA. QazAqparat - Senbi kúni tańerteń Indonezııada «Avıastar» jekemenshik kompanııasynyń ishinde 10 adam otyrǵan ushaǵyn izdestirý jumystary qaıta bastaldy. Áýe kemesi juma kúni joǵalǵan-dy. Bul týraly áýe kemesimen baılanys úzilgen aýmaq Ońtústik Sýlavesı provıntsııasynyń bıligi habarlap otyr.
Іzdeý operatsııasyna 100-den astam qutqarýshy qatysyp, tórt ushaq jumyldyrylǵan, dep habarlaıdy TASS. Buǵan deıin ushaqty izdeý jumystary qarańǵy túsken soń toqtatyldy.
Indonezııa kólik mınıstrliginiń málimetterinshe, VTS DHC-6 Twin Otter týrbovınttik ushaǵymen baılanys Masamba-Makassar reısi kezinde joǵalǵan. Bul eki eldi meken Ońtústik Sýlavesı provıntsııasynyń aýmaǵynda ornalasqan.
Áýe kemesimen baılanys onyń Makassar qalasyna qonýyna deıin jarty saǵat qalǵanda joǵalyp ketken. Bul rette Sýlavesı aralyndaǵy aýa raıy qolaıly bolǵan.
Jekemenshik ushaqtyń bortynda 10 adam - ekıpajdyń úsh múshesi men jeti jolaýshy bolǵan, sonyń ishinde úsheýi - balalar. Olardyń barlyǵy - Indonezııa azamattary, shaǵyn ushaqty ushyp ótý úshin jalǵa alǵan eki otbasynyń músheleri.
