Indonezııada Boeing 737 ushaǵy apatqa ushyrap, 20 adam zardap shekti
ASTANA. Sáýirdiń 13-i. QazAqparat - Indonezııada Boeing 737 ushaǵynyń sátsiz qonýy saldarynan kem degende 20 adam zardap shekken.
Merpati Airlines kompanııasyna tıesili Boeing jolaýshylar ushaǵy sáýirdiń 13-i kúni Manokvarı qalasy áýejaıynyń ushý-qoný alańynan shyǵyp ketip, ózenge qaraı syrǵyǵan.
Ózenge qulap, birneshe bólikke bólingen laınerdiń bortynda shamamen 100 adam bolǵan. Belgili bolyp otyrǵany, ushaq qolaısyz aýa raıy kezinde qonýǵa árekettengen, dep habarlaıdy RBK agenttigi.
Boeing 737 tarıhyndaǵy eń iri apat brazılııalyq Gol Transportes Aereos avıakompanııasyna tıesili ushaqtyń qulaýy bolatyn. Embraer Legcy 600 jolaýshylar ushaǵymen soqtyǵysyp qulaǵan laınerdiń 154 adamy qaza tapqan edi.
2010 jylǵy qańtardyń 25-ine deıin barlyǵy 149 Boeing 737 ushaǵy apatqa ushyrap, 3835 adam qaza tapty. Sonymen qatar laıner 110 ret terrorıstik shabýylǵa ushyrady.
