Indonezııada Boeing 737 ushaǵy apatqa ushyrady
JAKARTA. QazAqparat - Indonezııada Jakarta-Pontıanak reısine attanǵan Sriwijaya Air áýe kompanııasynyń jolaýshy ushaǵy apatqa ushyrady, dep habarlaıdy QazAqparat Euronews-ke silteme jasap.
Indonezııa úkimetiniń málimetinshe, bortta 65 adam bolǵan, onyń 53-i jolaýshy (10 bala) jáne 12 ekıpaj múshesi.
Jergilikti BAQ-tyń habarlaýynsha Boeing 737-524 ushaǵy Jakartadan ushyp shyqqannan soń 4 mınýttan keıin teńizge qulaǵan. Qazir laınerdiń synyqtary men adam deneleri ıAva teńizinen baıqalǵan.
Apatty kórgen balyqshylardyń aıtýynsha, ushaq áýede jarylyp ketken. Apattyń tolyq mán-jaıy ázirge belgisiz.
Flightradar portalynyń málimetinshe Boeing 3 myń metr bıikke kóterilgen.
Eske sala ketsek, 2018 jyly 29 qazanda Jakartadan Pankalpınangige ushyp bara jatqan Lion Air áýe kompanııasyna tıesili Boeing 737 MAX 8 ushaǵy teńizge qulaǵan bolatyn. Ushaq apatynda 189 adam qaza tapqan.
FOTO/Reuters
