Indonezııada avtobýstyń apaty 16 adamnyń ómirin qıdy
ASTANA. 21 tamyz. QazAqparat - Indonezııanyń Batys ıAva provıntsııasyndaǵy kólik apaty saldarynan 16 adamnyń ómiri qıylyp, birqatar adam jaraqat aldy.
VVS-diń jazýynsha, aldyn ala málimet boıynsha 60-qa jýyq jolaýshysy bar avtobýs taý kýrortynan el astanasyna kele jatqanda tejegishi isten shyqqan kórinedi. Budan keıin jolaýshylar kóligi qarsy júrip kele jatqan avtokólikke soqtyǵysyp, osydan soń qos kólik te segiz metr bıiktikten ózenge qulaǵan.
Jol-kólik oqıǵalary Indonezııada qaýipsizdik standarttaryn oryndamaý jáne joldardyń múshkil jaǵdaıynan jıi bolyp turady. Kólik mınıstrliginiń málimetine qaraǵanda, jyl saıyn mıllıonnan astam ındonezııalyq eldiń joldarynda opat bolady eken.
