Indonezııada avtobýs shatqalǵa qulap, ondaǵan adam qaza tapty
DJAKARTA. QazAqparat - Indonezııada avtobýs shatqalǵa qulap, sonyń saldarynan keminde 24 adam qaza taýyp, taǵy 13-i jaraqat aldy, dep habarlaıdy «QazAqparat»The Jakarta Post saıtyna silteme jasap.
Ondaǵan jolaýshysy bar avtobýs dúısenbige qaraǵan túni Ońtústik Sýmatra provıntsııasyndaǵy 150 metrlik shatqalǵa qulady, dep habarlady seısenbi kúni jergilikti polıtsııanyń baspasóz qyzmeti.
«Avtobýs shatqalǵa qulamastan buryn beton jol tosqaýylyna kirip ketken. Keıbir adamdar áli de kóliktiń ishinde», - dep málimdedi baspasóz qyzmeti.
Oqıǵa ornyna zardap shekkenderdi izdeý úshin izdestirý-qutqarý toptary jiberildi. Apat Pagar Alam qalasynyń mańyndaǵy shalǵaı jerde boldy, ol óz kezeginde izdestirý-qutqarý toptarynyń jumysyna kedergi keltirdi, biraq soǵan qaramastan oqıǵa ornynda zardap shekkenderdiń keıbiri aýrýhanaǵa jetkizildi.
Resmı málimet boıynsha, apat bolǵan kezde avtobýsta barlyǵy 27 jolaýshy bolǵan, biraq keıbir aman qalǵan adamdar polıtsııaǵa apat bolǵan kezde onda 50 shaqty adam bolǵanyn aıtty.
Aıta ketý kerek, qyrkúıek aıynda osyndaı oqıǵadan 21 adam qaza tapqan. Sodan keıin avtobýs Batys ıAvanyń Sýkabýmı aımaǵyndaǵy shatqalǵa qulady.
Osydan birneshe aı buryn Batys ıAva qalasynda avtobýstyń júrgizýshisi men jolaýshysynyń arasynda janjal týyndap, sonyń saldarynan bolǵan apattan 12 adam qaza taýyp, ondaǵan adam jaraqat alǵan bolatyn.
Foto: theguardian.com
