Indonezııada áskerı tikushaq apatqa ushyrady
NUR-SULTAN. QazAqparat – Senbi kúni Indonezııanyń Ortalyq ıAva provıntsııasynda tikushaq apatqa ushyrap, tórt áskerı qyzmetshi qaza taýyp, beseýi zardap shekti, dep habarlaıdy Jakarta Globe basylymy eldiń qarýly kúshterine silteme jasap.
Oqıǵa jergilikti ýaqyt boıynsha saǵat 13.40 Kendal qalasyndaǵy ónerkásip kesheniniń mańynda bolǵan. Armııa ókili Nefra Fırdaýs (Nefra Firdaus) habarlaǵandaı, tikushaq bir táýliktegi ekinshi áskerı jattyǵýyn oryndaý úshin ushqan. Birinshi jattyǵý oıdaǵydaı ótken. Onyń aıtýynsha, oqys oqıǵa oqý-jattyǵý barysynda oryn alǵan. Tikushaq qulap bara jatqan sátte órtene bastaǵan da artynsha jarylǵan. Ushý aldynda júrgizilgen tekserý onyń jaramdy jaǵdaıda bolǵandyǵyn kórsetken.
Áskerı ókil bolǵan jaǵdaıdyń anyq-qanyǵyn anyqtaý úshin tekserý júrgiziletindigin atap ótti.
