Indonezııada alyp pıton er adamdy jutyp qoıdy
ASTANA. QazAqparat - Indonezııanyń Sýlavesı aralynda alyp pıton eresek er adamdy jutyp qoıdy. Bul týraly Daily Mail basylymyna 28 naýryz kúni habarlanǵan, dep jazady lenta.ru.
Basylym taratqan aqparat boıynsha, 25 jasar Akbar Salýbıro jeksenbi kúni joǵalyp ketken jáne osy kúni ol kórshi aýylǵa baryp kelmek bolǵan. Kelesi kúni aýyl azamaty týraly eshbir habar bolmaǵanyna alańdaǵan turǵyndar ony izdeı bastaıdy. Sol kúni turǵyndar úıdiń artynan orta tusy dúńkıgen 7 metrlik alyp jylandy kóredi. Olar jylannyń ishin jaryp, Salýbırony taýyp aldy.
Aýyl keńesiniń ókili jylan tabylatyn kúnniń túninde adamdar palma alqabynan áldekimniń shyńǵyrǵan daýsyn estigen, alaıda onda eshkim bara qoımaǵan. Adamdardyń nege kómekke barmaǵanyn ol aıtqan joq.
2013 jyly buqaralyq aqparat quraldarynda Úndistanda alyp pıtonnyń kóshede jatyp qalǵan mas adamdy jutyp qoıǵany týraly aqparat taraǵan bolatyn. Materıalda adam jutyp qoıǵan jylannyń sýreti de jarııalandy. Alaıda BuzzFeed basylymy Indonezııa, Ońtústik Afrıka jáne Qytaıda bolǵan tap osyndaı jaǵdaılar týraly aqparattarda da osy sýrettiń jarııalanǵanyn habarlaǵan bolatyn.
Sýrettegi jylannyń adam jutyp qoıǵanyn dáleldeı alatyn faktiler bolǵan joq edi.
