Indonezııada 80-nen atam adam laı kóshkininiń qurbany boldy
ASTANA. Qazannyń 6-sy. QazAqparat - Indonezııanyń shyǵysyndaǵy Batys papýa ýálaıatynda sý tasqyny men sonyń saldarynan oryn alǵan laı kóshkininiń saldarynan 86 adam qurban boldy.
Taǵy 80 adam túrli jaraqat aldy. Ondaǵan adam iz-túzsiz joǵalǵandar sanatynda, birneshe myńdaǵan adam ýaqytsha ortalyqtarǵa kóshirildi, dep habarlaıdy VVS agenttigi.
Apatqa arnalarynan tasyǵan ózen sýlarynyń eńistegi eldi mekenderdi basyp qalýy sebep bolyp otyr. Apat aýmaǵyna jetken áskerı keme zardap shekkenderge shatyrlar, dári-dármekter, azyq-túlikter jetkizdi.
Bılik ókilderiniń aıtýynsha, sý kenetten kelgendikten, adam qurbany kóp bolyp otyr.
«Іzdeý jumystaryn áli júrgizip jatyrmyz, tabylmaǵan birneshe ondaǵan adam bar, biraq olardyń tiri qalǵandyǵyna senimimiz azaıyp barady», - deıdi «Frans Press» agenttigine suhbat bergen izdeý-qutqarý qyzmetiniń ókili Mohamad Arıfın.
Sýdyń ekpini júzdegen úılerdi, keńseler men mektepterdi, joldar men kópirlerdi shaıyp ketip otyr.
Meteorologtar, aǵymdaǵy jyly Indonezııanyń nóser jaýynnan, daýyldy jelden jáne bıik tolqyndardan qatty zardap shegip otyrǵanyn aıtýda.
