Indonezııada 53 adam mingen súńgýir qaıyq joǵalyp ketti
DJAKARTA. QazAqparat – Indonezııanyń áskerı teńiz floty 53 adam mingen súńgýir qaıyqty izdestirip jatyr, ol jattyǵýlar kezinde baılanysqa shyqpaı qoıǵan. Indonezııa súńgýir qaıyqty tabý úshin Aýstralııa men Sıngapýrǵa kómek surap júgindi, dep habarlaıdy QazAqparat Reuters agenttigine silteme jasap.
Indonezııa áskerı teńiz flotynyń ókili KRI Nanggala-402 súńgýir qaıyǵy Balı aralynyń soltústigindegi sýlarda torpedalyq jattyǵýlar ótkizgenin, biraq jattyǵýlar nátıjesin usynbaǵanyn málim etken.
Derekkóz Indonezııa Aýstralııadan jáne Sıngapýrdan súńgýir qaıyq pen habar-osharsyz ketken ekıpaj múshelerin izdeýge kómek suraǵanyn rastady. qaıyqpen baılanys búgin tańerteńgi saǵat 4:30-da úzilgen.
Іzdeý barysy týraly qosymsha aqparat beısenbi kúni Balıde ótetin BAQ brıfıngisinde jarııalanady.
