Indonezııada 200 jolaýshysy bar keme joǵalyp ketti
ASTANA. QazAqparat - Indonezııa eliniń qaýipsizdik kúshteri ekinshi táýlik boıy «Tarýna Makmýr» (Taruna Makmur) dep atalatyn kemeniń sýǵa batyp ketý múmkindigi týraly aqparatty tekserýde. Ol Pare-Pareden (Ońtústik Sýlavesı provıntsııasy) Tandjýng (Shyǵys Kalımantan provıntsııasy) kemejaıyna júzip kele jatqan.
Qolda bar málimetter boıynsha, joǵalyp ketken teplohodtyń ishinde 197 jolaýshy bolǵan. «Kemeniń Pare-Pareden kemejaıda tirkelmeı shyǵyp ketkeni belgili. Pare-Pare - Tandjýng baǵytymen júretin solaı atalatyn birde-bir keme joq», - dep málimdedi Indonezııanyń Balıkpapan kemejaıynyń izdeý-qutqarý qyzmetiniń basshysy Hendra Sadırman (Hendra Sudirman).
Qutqarýshylar keme týraly aqparatty tekserý úshin basqa kemejaılarmen, tipti Sengaga áskerı-teńiz bazasymen habarlasqan. Alaıda «Tarýna Makmýr» týraly eshkimniń de resmı aqparaty joq bolyp shyqty.
Qutqarýshylar tekserilgen ári rastalǵan aqparat kelip túsken jaǵdaıda kemeni izdeýge daıyn.
Pare-Pare-Tandjýng baǵytynda sońǵy kúnderi aýa raıynyń qolaısyzdyǵy baıqalýda. Mamandar eger ondaı keme rasymen de bolsa, osyndaı tolqynnyń áserimen onyń batyp ketý múmkindigin joqqa shyǵarmaıdy, dep jazady Lenta.rý.
