Indonezııada 15 jolaýshysy bar ushaq joǵalyp ketti
ASTANA. QazAqparat - Qos motorly M-28 Skytruck ushaǵyn Indonezııa polıtsııasy izdestirýde. Onyń bortynda 15 adam bolǵan. Bul týraly Reuters agenttigi habarlady.
Indonezııanyń Áskerı-teńiz floty qutqarý operatsııasyn júrgizý úshin úsh keme jáne eki patrýldik qaıyq shyǵardy.
Sıngapýrdyń azamattyq avıatsııa basqarmasy, ushaqpen baılanys Batam aralyna jaqyn tusta teńiz ústinde úzilip ketkenin málim etti.
The Straits Times basylymynyń jazǵanyna sensek, M-28 Skytruck synyqtaryn Pýlaý Lıngga aralynyń mańynan balyqshylar jergilikti ýaqytpen 11:30-da taýyp alǵan.
