Indonezııada 146 jastaǵy adam kóz jumdy
ASTANA. QazAqparat - Ortalyq ıAvadaǵy aýylda turatyn kóp jasaǵan qarııa qaıtys boldy. Ol buǵan deıin jasyn 146-da dep málimdep kelgen.
Bı-Bı-Sı agenttiginiń habarlaýynsha, qujaty boıynsha Mba Ghoto 1870 jyly jeltoqsan aıynda dúnıege kelgen.
Alaıda Indonezııada dúnıege kelgenderdi resmı tirkeýge alý tek 1900 jyldan bastalǵan. Jergilikti bıliktiń málimdeýinshe, qarııa Ghotonyń qujattary zańdy eken.
Densaýlyǵy syr bergen qarııa 12 sáýirde aýrýhanaǵa jatqyzylǵan. Alty kúnnen keıin ol úıine shyǵarylǵan.
«Aýrýhanadan shyqqan soń ol birneshe qasyq botqp jep, sál ǵana sý ishetin boldy», - dedi marqumnyń nemeresi Sýıanto.
«Osyndaı jaǵdaı birneshe kúnge jalǵasty. Alaıda sodan soń ol sý men astan bas tartty», - deıdi nemeresi.
Byltyr Bı-Bı-Sı tilshisi Ghoto qarııamen tildesip, onyń uzaq jasaý sebebin suraǵanda, tózimdiliktiń arqasynda uzaq jasaǵanyn aıtyp bergen. «Men uzaq jasadym, óıtkeni meni jaqsy kóretin jandarym kútip-baqty», - dedi qarııa.
Mba Ghoto ómiriniń sońyna deıin temekini kóp shekken. Ol tórt áıelinen, 10 aǵa-baýyry men qaryndastarynan jáne barlyq balalarynan uzaq ómir súrdi.
