Indonezııada 1000-nan astam bala mekteptegi astan ýlanyp qaldy

ASTANA. KAZINFORM — Bul aptada Indonezııanyń Batys ıAva aımaǵynda 1000-nan astam bala mekteptegi tegin ashanadaǵy astan jappaı ýlanyp qaldy, dep habarlaıdy AZERTADJ. 

Jappaı ýlaný Batys ıAva provıntsııasynyń tórt aýdanynda tirkelgen, dep beısenbi kúni provıntsııa gýbernatory Dedı Mýlıadı málimdegen. 

Sońǵy oqıǵa ótken aptada Batys ıAva jáne Ortalyq Sýlavesı provıntsııalarynda mektep ashanasynan tamaq ishken 800 oqýshynyń ýlanýynan keıin qaıtalanyp otyr. Bul ashanalar Prezıdent Prabovo Sýbıanto bekitken tegin tamaqtandyrý baǵdarlamasy aıasynda qamtamasyz etilgen.

Baǵdarlama tez beleń alyp, 20 mıllıonnan astam adamdy qamtyǵandyqtan, standart pen baqylaýdyń jetkiliktiligine qatysty másele týyndap otyr. Jyl sońyna deıin 83 mıllıon adamdy qamtý jóninde ambıtsııaly maqsat qoıylǵan.

Baǵdarlamanyń bıýdjeti kelesi jyly eki esege ósip, 10,2 mıllıard dollar bolmaq.

Network for Education Watch taldaý ortalyǵynyń derekterine súıensek, osy aptadaǵy oqıǵalarǵa deıin qańtardan beri el boıynsha keminde 6452 bala baǵdarlamanyń aıasynda taǵamnan ýlanǵan. 

Aıta ketelik Óskemen dámhanasyndaǵy jappaı ýlanýǵa qatysty polıtsııa qylmystyq is qozǵaǵan edi.