Indonezııa joǵalǵan súńgýir qaıyqty izdeýge 21 keme jiberdi
SINGAPÝR. QazAqparat - Indonezııalyq qutqarýshylar juma kúni Balı teńizinde joǵalyp ketken «Nangala» súńgýir qaıyǵyn izdeýdi qaıta bastady. Operatsııa aımaǵynda barlyǵy 21 keme, sonyń ishinde tereńdikti barlaıtyn teńiz apparattary bar okeanografııalyq keme tartyldy, dep habarlaıdy QazAqparat Kompas basylymyna silteme jasap.
Beısenbi kúni Malaızııa men Sıngapýrdan izdestirý aımaǵyna súńgýir qaıyqtardy qoldaý jáne qutqarý kemeleri keldi. Sıngapýrdyń áskerı-teńiz kúshteri senbide Indonezııanyń Balı aralynyń soltústik jaǵalaýyna, al Malaızııaǵa bir kúnnen keıin keledi dep kútilýde.
Pentagon ókili Djon Kırbı AQSh áýe quraldaryn kómektesýge jiberetinin aıtty. Indonezııa áskerı-teńiz kúshteriniń shtab bastyǵy admıral ıÝdo Margononyń aıtýynsha, bortta ottegi senbi kúngi tańerteńge deıin jetýi múmkin.
Aldyn ala esepteýler boıynsha, sársenbide joǵalǵan súńgýir qaıyq Balı aralynyń soltústik jaǵalaýynan shamamen 90 km qashyqtyqta bolýy yqtımal. Buǵan deıin Indonezııa Qorǵanys mınıstrligi sýbmarınanyń joıylý aımaǵynda maı daqtary paıda bolǵanyn habarlady. Bortynda 53 adam bar «Nangala» dızeldi súńgýir qaıyǵy Balı teńizindegi torpedalyq ushyrýlarǵa qatysqan bolatyn.
