Indonezııa jaǵalaýynda terbelisi 7,9 jer silkinisi boldy
ASTANA. QazAqparat - Indonezııalyq Sýmatra aralynyń jaǵalaýynda terbelisi 7,9 qýatty jer silkinisi oryn aldy, dep habarlady AQSh Geologııalyq qyzmeti.
Japa shekkender jáne ǵımarattardyń buzylǵany jaıly aqparat kelip túsken joq.
Qyzmet aqparatynsha, jer dúmpýiniń oshaǵy Padang qalasynan shamamen 800 kılometr jerde, 10 shaqyrymǵa jýyq tereńdikte ornalasqan.
Bılik Batys Sýmatra, Soltústik Sýmatra jáne Acheh provıntsııalarynda tsýnamı bolý qaýpi jaıly habarlady.
Avstralııanyń meteorologııalyq bıýrosy Kokos araldary men Rojdestva araldarynyń turǵyndaryna eskertý jarııalady.
