Indonezııa jaǵalaýynda parom apatqa ushyrap, 10 adam mert boldy
ASTANA. QazAqparat - Indonezııada Ortalyq Sýlavesı provıntsııasy jaǵalaýynda paromnyń apatqa ushyraýy saldarynan kem degende 10 adam mert bolyp, 11 adam iz-túzsiz joǵaldy. Bul týraly senbi kúni Kyodo agenttigi jergilikti bılikke silteme jasap habarlady.
Bortynda 147 jolaýshy bolǵan paromda órt shyǵyp, artynsha keme sýǵa batyp ketken.Órt juma kúni jergilikti ýaqytpen saǵat 16:45-te bastalǵan, alaıda qutqarýshylar aýa raıynyń qolaısyz bolýyna baılanysty úsh saǵat ótkennen keıin ǵana kelgen.
Paromnyń 126 jolaýshysy qutqaryldy. Olardyń jaǵdaıy, sondaı-aq órttiń neden shyqqany týraly aqparat ázirge joq.
Foto: Global Look Press/Mustafa Syahril
