Indonezııa jaǵalaýynda kúshti jer silkinisi boldy

Jerasty dúmpýleri jergilikti ýaqyt boıynsha saǵat 22:37-de tirkeldi, dep habarlaıdy RosBıznesKonsaltıng.

AQSh geologııalyq qyzmetiniń málimetteri boıynsha, jer silkinisiniń kindigi Banda-Acheh qalasynyń ońtústik-batysyna qaraı 420 shaqyrym qashyqtyqta bolǵan. Zilzala oshaǵy 29,1 shaqyrym tereńdikte ornalasqan.

El bıligi bolýy múmkin tsýnamı týraly eskertken bolatyn, jaǵalaýdaǵy aýdandardan adamdardy kóshirý bastaldy. Biraq keıinirek Indonezııa bıligi bolýy múmkin tsýnamı týraly eskertýdi alyp tastady.

Qaza tapqandar men qıratýlar týraly aqparat ázirshe túsken joq.

Esterińizge sala keteıik, ótken jyldyń qarashasynda Indonezııada kúshi 6,6 baldyq  jer silkinisi boldy. Jerasty dúmpýleri Tynyq muhıtynda, Sýlavesı aralynyń qasynda tirkelgen. Budan bir aı buryn 6,1 magnıtýdaly jer silkinisi Balı aralynda boldy. Tabıǵı apat saldarynan jarym-jartylaı keńselik ǵımarattar, mektepter, ejelgi ǵıbadathanalar buzyldy.