Indonezııa jaǵalaýynda qýatty jer silkinisi boldy
ASTANA. QazAqparat - Indonezııanyń Ambon aralynyń shyǵysyna qaraı, Banda teńizinde, beısenbi kúni 6 baldyq jer silkinisi boldy. Bul týraly Eýropa-Jerorta teńizi seısmologııalyq ortalyǵyna siltememen TASS habarlaıdy.
Ondaǵy málimetke súıensek, jer silkinisiniń epıtsentri araldyń ońtústik bóliginde ornalasqan Ambon qalasynan ońtústik-shyǵysqa qaraı 402 shaqyrym jerde bolǵan. Dúmpýdiń kindigi - 162 km tereńdikte.
Tsýnamı týý qaýpi bolǵan joq. Tabıǵat apatynan eshkim japa shekpegen.
