Indonezııa jaǵalaýynda joǵalǵan keme tabyldy: 110-ǵa jýyq adam qutqaryldy
ASTANA. KAZINFORM- Buǵan deıin ıAva teńizinde baılanysqa shyqpaı qalǵan Indonezııanyń jolaýshylar kemesi týraly aqparat taraǵan edi, dep habarlaıdy Sınhýa.
Keme Shyǵys ıAva provıntsııasyndaǵy Sýrabaıadan Ońtústik Kalımantan provıntsııasyndaǵy Bandjarmasınge bet alǵan.
Ońtústik Kalımantan izdeý-qutqarý qyzmetiniń málimetinshe, sapar barysynda keme ekıpajy aýa raıynyń qolaısyzdyǵy týraly habarlaǵan. Jergilikti ýaqyt boıynsha jeksenbi kúni saǵat 02:00 shamasynda kememen baılanys úzilgen.
Kemeniń sońǵy ret Bandjarmasındegi izdeý-qutqarý qyzmetiniń bazasynan shamamen 80 teńiz mıli qashyqtyqta tirkelgen.
Oqıǵa ornyna izdeý-qutqarý toby jiberildi. Operatsııaǵa teńiz bıligi, áskerı-teńiz kúshteri jáne sý polıtsııasy da tartyldy.
Keıin keme tabyldy. Jergilikti buqaralyq aqparat quraldarynyń habarlaýynsha, 110-ǵa jýyq adam qutqaryldy. Bir jolaýshynyń qaza tapqany rastaldy.
Oqıǵanyń sebebi ázirge belgisiz.
Buǵan deıin bortynda 240-qa jýyq adamy bar Indonezııa jolaýshylar kemesi qolaısyz aýa raıyna tap bolǵannan keıin ıAva teńizinde baılanysqa shyqpaı qalǵany týraly jazǵan edik.
