Indonezııa jaǵalaýynda 5 baldyq jer silkinisi boldy
ASTANA. KAZINFORM — Indonezııa jaǵalaýynda magnıtýdasy 5 baldyq jer silkinisi tirkeldi. Bul týraly TASS agenttigi Eýropa-Jerorta teńizi seısmologııalyq ortalyǵyna silteme jasap habarlady.
Ortalyq derekterine sáıkes, silkinis epıtsentri Kedırı qalasynan 142 shaqyrym ońtústikte ornalasqan, bul qalada 235 myń adam turady. Jer silkinisiniń oshaǵy 66 shaqyrym tereńdikte bolǵan.
Úıler men ǵımarattardyń qırap, adamdardyń zardap shekkeni týraly aqparat joq. Tsýnamı qaýpi jarııalanbaǵan.
Aıta keteıik, buǵan deıin Bangladeshtegi jer silkinisinen kóz jumǵandar sany 10-ǵa jýyqtaǵanyn jazdyq.
Al Aýǵanstanda 6,3 magnıtýdaly jer silkinisi saldarynan keminde 20 adam qaza tapty. Osy jaǵdaıǵa baılanysty elimiz Aýǵanstanǵa gýmanıtarlyq mıssııa jiberetinin málimdedi.