Indonezııa jaǵalaýynda 240 jolaýshysy bar keme joǵalyp ketti
Indonezııada shamamen 240 adam mingen jolaýshylar kemesi ıAva teńizinde baılanysqa shyqpaı qaldy. Keme qolaısyz aýa raıyna tap bolǵan, dep habarlaıdy Sınhýa.
Bul týraly jeksenbi kúni Ońtústik Kalımantan provıntsııasynyń izdeý-qutqarý qyzmeti habarlady.
Vedomstvo málimetinshe, keme Shyǵys ıAva provıntsııasyndaǵy Sýrabaıa qalasynan Ońtústik Kalımantandaǵy Bandjarmasınge baǵyt alǵan. Kemeniń sońǵy ornalasqan jeri Bandjarmasındegi izdeý-qutqarý stantsııasynyń aılaǵynan shamamen 80 teńiz mıli qashyqtyqta tirkelgen.
Atalǵan aýdanǵa izdeý-qutqarý kemesi jiberildi. Aldyn ala málimet boıynsha, joǵalǵan keme qolaısyz aýa raıyna tap bolǵannan keıin onymen baılanys úzilgen.
Qazirgi ýaqytta zardap shekkender nemese qaza tapqandar týraly aqparat joq.
Buǵan deıin Qytaıda júk kemesinde órt shyǵyp, 25 adam qaza tapqany habarlanǵan.
Sondaı-aq Fılıppın jaǵalaýynda jolaýshylar paromynda bolǵan órtten qaza tapqandar sany 76 adamǵa jetkeni habarlanǵan.
