Indonezııa ústinen 130 myń tonnalyq asteroıd ushyp ótti

Bul mundaı úlken asteroıdtyń Jer betine tym taqaý aralyqta alǵash ret ótýi, dep habarlady NASA.

DA14 asteroıdy ótken jyldyń aqpan aıynda anyqtalǵan bolatyn. Onyń boljamdy salmaǵy 130 myń tonnany quraıdy. NASA ǵalymdarynyń buǵan deıin málim etkenindeı, asteroıd ǵalamsharmen soqtyǵysqan jaǵdaıda ol bir qalany jer jetinen joıyp jiberer edi. Mamandardyń esepteýinshe, mundaı soqtyǵysý qýaty Hırosımaǵa tastalǵan atom bombasynan 1000 esege artyq bolmaq. Degenmen de, bastapqy kezeńde-aq ǵarysh agenttiginiń mamandary ǵalamshar men aspan denesiniń soqtyǵysýy múmkin emestigin jarııalaǵan-dy.

NASA buǵan deıin 2012 DA14 asteroıdy men Chelıabi oblysy aýmaǵyna qulaǵan meteorıttiń arasynda esh baılanys joqtyǵyn málimdedi. Olardyń málimetterine qaraǵanda, eki aspan denesiniń traektorııasynyń bir-birinen aıyrmashylyǵy bar. Bul eki nysannyń bir-birine múldem qatysy joq degen qorytyndy shyǵarýǵa túrtki bola alady. «Reseılik meteorıt soltústikten ońtústikke qaraı qulady. DA14 asteroıdtiń traektorııasy - qarsy baǵytta, ońtústikten soltústikke qaraı», - delingen agenttik aqparatynda.