Indonezııa stadıonyndaǵy tártipsizdik kezinde 127 adam mert boldy
ASTANA. QazAqparat –Indonezııadaǵy fýtbol matchynda kem degende 127 adam mert boldy. 180-ge jýyq adam aýrýhanada jatyr. Búl týraly polıtsııa ókili málim etti, dep habarlaıdy QazAqparat VVS-ge silteme jasap.
Qaıǵyly jaǵdaı Malang qalasyndaǵy stadıonda jergilikti «Arema» klýby men Shyǵys ıAva provıntsııasynyń ákimshilik ortalyǵy Sýrabaıdaǵy «Persebaıa» komandasy arasyndaǵy oıyn kezinde boldy.
Match 3-2 esebimen qonaqtardyń jeńisimen aıaqtaldy. Sońǵy ysqyryqtan keıin «Aremanyń» myńdaǵan jankúıeri alańǵa júgirip shyqqan, sodan qaqtyǵystar bastalǵan.
Polıtsııa kózden jas aǵyzatyn gazdy qoldanǵan. Dárigerlerdiń aıtýynsha, ólim jaǵdaılarynyń kóbine tunshyǵý sebep bolǵan.
Stadıonnyń syrtynda da tártipsizdikter jalǵasyp, birneshe polıtsııa kóligin órtep jibergen. Eki polıtsııa qyzmetkeri de qaza tapty.
Bılik tergeýdi bastady. Indonezııa fýtbol federatsııasy «Aremaǵa» maýsymnyń sońyna deıin match ótkizýge tyıym saldy jáne aldaǵy barlyq oıyndy bir aptaǵa keıinge shegerdi.
