Indonezııa SІM basshysy rohındjalar qyrǵyny máselesin retteý úshin Mıanmaǵa attandy
ASTANA. QazAqparat - Indonezııa prezıdenti Djoko Vıdodo el bıligimen rohındja musylmandaryna qatysty jaǵdaıdy retteý máselelerin talqylaýǵa Mıanmaǵa arnaıy elshi retinde respýblıkanyń SІM basshysy Retno Marsýdıdi jiberdi. Bul jaıly The Straits Times gazetine silteme jasap TASS agenttigi habarlaıdy.
Prezıdent málimdemesinde «mınıstrdiń Neıpıdoda shuǵyl keńes ótkizetindigi» aıtylǵan. «SІM basshysy Mıanma úkimetin zorlyq-zombylyqty toqtatyp, eldegi barlyq azamattardyń, sonyń ishinde musylmandardyń qorǵanysyn qamtamasyz etip, gýmanıtarlyq kómekke muqtajdarǵa múmkindik jasaýǵa kóndirýge tıis», delingen habarlamada.
Mıtıngke jınalǵandar Mıanmanyń syrtqy ister mınıstri, iz júzinde osy eldiń saıası kósbasshysy, memlekettik keńesshi Aýn San Sý Chjıden Nobel syılyǵyn qaıtaryp alýdy talap etti.
Al, jeksenbi kúni túnde belgisiz bireýler Mıanma elshiliginiń ǵımaratyna órtegish qospasy bar bótelke laqtyryp, artynsha shaǵyn órt shyqty.
Rohındja ultynyń musylmandary Mıanmanyń Rakhaın shtatynda turady. Bılik olardy Bangladeshten kelgen zańsyz mıgranttar dep esepteıdi. Rakhaında musylmandar men jergilikti býddısterdiń arasyndaǵy qaqtyǵysqa ákep soqqan dinge qatysty shıelenis buǵan deıin de birneshe ret bolǵan. Sońǵy jyldarda myńdaǵan adam zorlyq-zombylyqtyń qurbanyna aınaldy.
