Indonezııa prezıdenti tsýnamıdiń qaıtalaný múmkindigin eskertti
ASTANA. QazAqparat - Dúısenbi kúni ıAva araly jaǵalaýynyń tabıǵı apattan eń qatty zardap shekken aýmaǵyna barǵan Indonezııa prezıdenti Djoko Vıdodo tsýnamıdiń taǵy da bolýy múmkin ekendigin eskertip, turǵyndar men jergilikti bılikti dúleı apat qurbandaryn boldyrmaý úshin qoldan kelgenniń bárin jasaýǵa shaqyrdy. Bul týraly Indonezııanyń Detik News portaly habarlady.
Resmı málimet boıynsha, senbi kúni Indonezııa jaǵalaýynda bolǵan tsýnamı saldarynan 281 adam qaza taýyp, taǵy 57 adam iz-tússiz joǵaldy. 3 myńnan astam adam zardap shekken, bir myńnan astamy qaýipsiz jerge kóshirildi. Dúleı apat bolǵan jerlerde izdeý-qutqarý jumystary jalǵasyp jatyr.
Indonezııa prezıdenti tsýnamıdi naqty boljaý óte qıyn ekendigin aıta kele, 2019 jyldyń basynda elde tsýnamı bolatynyn eskertetin júıeniń barlyq elementteri tekserilip, jetildiriletinine ýáde etti.
