Indonezııa Prezıdenti Avstralııanyń keshirim suraýyn talap etýde
ASTANA. 19 qarasha. QazAqparat - Indonezııa Prezıdenti Sýsılo Bambang ıÝdoıono avstralııalyq premer-mınıstr Tonı Ebbott óz eliniń arnaıy qyzmetteri Djakartada basshylyqtyń telefondaryn tyńdaǵany úshin ókinish nıetin bildirmeı otyr dep málimdedi.
Aıta keteıik, budan buryn Ortalyq barlaý basqarmasynyń burynǵy qyzmetkeri Edvard Snoýden jarııa etken qujattarda Avstralııa arnaıy qyzmetteri Indonezııa basshylyǵyna tyńshylyq jasaǵandyǵy atap ótilgen edi.
Sheteldik BAQ-tyń jazýynsha, ıÝdoıono atalǵan áreket áshkere bolǵannan keıin Kanberramen eliniń qarym-qatynastaryn qaıta qaraýǵa daıyn ekenin sóz etti. Djakarta dúısenbide Kanberradan elshisin qaıtaryp aldy.
Óz kezeginde Ebbott prezıdentke keltirilgen alańdaýshylyq úshin shyn nıetpen ókinip otyrǵandyǵyn málim etken.
