Indonezııa polıtsııasy lańkestikke kúdikti 13 adamdy tutqyndady

Olar munda áskerı daıarlyq jumystaryn júrgizgen, dep habarlady reseılik «Jańalyqtar» agenttigi.

«Olardy daıarlyq júrgizip jatqan jerinen ustadyq, lańkesterdiń nusqaýshysy da qolǵa tústi», - dep málimdedi Djakartada ulttyq polıtsııanyń jurtshylyqpen baılanys bóliminiń bastyǵy Edvard Arıtonang. Onyń aıtýynsha, barlyq tuqyndalǵandar eldiń ártúrli provıntsııasynan - Acheh, Soltústik Sýmatra, Rıaý araldary, ortalyq ıAva jáne Djakartada týǵan. Ustalǵandardan úsh vıntovka, oq-dáriler jáne qujattar tárkilendi. Al nusqaýshynyń ózi shetelde áskerı daıarlyqtan ótken.

Budan bir apta buryn Achehte iri lańkestikke qarsy operatsııa kezinde ındonezııalyq qaýipsizdik pen polıtsııa kúshteri Sarı eldi mekeni mańynda ekstremısterdiń jattyǵý lagerin qorshap, onǵa tarta qarýly sodyrlardy ustaǵan bolatyn, alaıda 50-ge tarta sodyr djýnglıge kirip qolǵa túspeı ketken. Olar Ońtústik-Shyǵys Azııada áreket etetin «Ál-Kaıda» uıymymen baılanysta bolýy múmkin degen boljam jasalýda.