Indonezııa nekesiz jynystyq qatynasqa jáne dinnen bas tartýǵa zańdy túrde tyıym salady
DJAKARTA. QazAqparat – Indonezııa parlamenti jańa zańdy qabyldady, oǵan sáıkes nekesiz jynystyq qatynas úshin bas bostandyǵynan aıyrý jazasy qarastyrylady, dep habarlaıdy QazAqparat BBC-ge silteme jasap.
Jańa zań - qylmystyq kodekske engizilgen ózgeristerdiń bir bóligi. Úsh jyldan keıin ǵana kúshine enedi jáne prezıdentti qorlaýǵa jáne memlekettik ıdeologııaǵa qarsy sóıleýge tyıym salýdy qamtıdy.
Quqyq qorǵaý toptary jańa zań eldegi áıelderdiń, LGBT jáne etnıkalyq az toptardyń quqyqtaryna nuqsan keltiredi dep sanaıdy.
Quqyq qorǵaýshylar, sondaı-aq, jańa kodeks saıası pikir bildirý bostandyǵyna qysym keltirip, dinı senim bostandyǵyn shekteıinin aıtady.
Dıffamatsııa týraly jańa baptar sonymen qatar prezıdentti nemese vıtse-prezıdentti qorlaýdy zańsyz dep sanaıdy – ol úshin úsh jylǵa deıin bas bostandyǵynan aıyrý jazasy qarastyrylǵan. Ulttyq ıdeologııaǵa qaıshy keletin pikir aıtý da osy sanatqa jatady. Kodekstiń burynǵy redaktsııasynda memleket basshysyn qorlaý týraly jeke bap bolmaǵan, bul ister dıffamatsııa týraly zań aıasynda qaralǵan.
Foto: Getty Images